آآآه أحبك
رغم صمتي
رغم اني آثرت السكوت
رغم قلة حيلتي
رغم كرهي
للحروف اللي بكت ولا كتبت
حرف يشرح حجم حبك
آآآه أحبك
كلمةٍ في نطقها
تطلع من الجوف تسحب زفرةٍ
فيها ألم
فيها أحاول أرتجي
ألقى دوا لعلتي
وانا اعترف لك
انها ماهي دوا
يمكن بها اعرف اكابد لوعتي
ويمكن بها اعرف ابرر دمعتي
الي حفرت في وجنتي
خط الأسى
خط الحزن اللي انرسم
في صورتي ، في مرايتي
آآآه أحبك
ودي أشرح شكل حبك
ودي احكي ودي اشكي
ودي ابكي
أو أبرر جمرتي
والا أصور للبشر
كيف دمرني غرامك
رغم اني كنت أكابر
رغم اني آثرت السكوت
في وجه بركان حبك
آآآه أحبك
لو دمرني سكوتي
حتى لو قلبي انكوى
والا يعذبني الجنون
أو يبعثرني الهوى
يبقى حُبك
ساكنٍ بالقلب ولجرحي دوا
والله احبك
والله احبك
كلمةٍ قد قلتها
و كم مرة كتبتها
كلمةً من حلاها
تيمتني بحبها
حبيت رسمة شكلها
حبيت همسة نطقها
حبيت نبض قلبي لما اسمعة يقولها
والله احبك
كلمةٍ كانت تساوي مقدار حرفها
لكنها الحين تعدت عرفها
وصارت تشكل في حياتي
حلوها و مرها
سرها و سحرها
صارت حياتي بأسرها
آآآه أحبك
لو كتبت او سكت
او تباهيت بحروفي و صوغها
في صفحتك او دفترك أو مسمعك
عمري كله ما بقدر ألاقي
كلمةٍ تجاري مستوى سموها
والله أحبك
والله أحبك
ليست هناك تعليقات:
إرسال تعليق